點樣用漂白水淨化食水?

漂白水淨化食水

之前教過大家用碘酒淨化食水,如果水又煲唔倒,碘酒又冇,我哋到底重有咩方法淨化食水呢?

今次就用美軍訓練手冊FM 21-76(2002年版本,FM 3-05.70 ),教大家點用漂白水淨化食水。

美軍訓練手冊FM 3-05.70係FM 21-76嘅增訂版,2002年出版

漂白水淨化食水嘅原理

淨化食水係為咗殺死水入面嘅病原體,防止自己感染啲同水有關嘅病,例如霍亂。平時我哋煲水,就係用熱力去達到呢個目的。

一般化學淨化會用碘(Iodine)或者氯(Chlorine)呢兩種化學成份嚟淨化食水。氯可以打破水入面分子嘅化學鏈,殺死佢哋,淨化啲水,而漂白水入面就有氯嘅成分,次氯酸鈉(sodium hypochlorite)。

用碘淨化食水一樣,雖然氯可以殺死晒水入面嘅細菌同病毒,但佢唔可以殺死所有寄生蟲,例如係cryptosporidium。

如果你懷疑啲水有寄生蟲,你需要再過濾咗啲水先好飲,或者揀其他乾淨啲嘅水源。

用漂白水淨化食水嘅注意事項

唔係所有漂白水都有次氯酸鈉或者氯嘅成分,用之前一定要檢查清楚先。

避免用啲有染料、香味嘅漂白水嚟淨化食水(如果你唔介意啲味同顏色,其實用佢哋淨化食水都安全)。

一個水樽

一樽漂白水

用漂白水淨化食水

呢個教學會教你點用漂白水淨化食水。

Step 1: 準備容器

準備一個水樽裝住你想淨化嘅水。

Step 2: 加入適當份量嘅漂白水

按照水嘅容量落漂白水。根據美軍訓練手冊FM 21-76,每公升水落兩滴5.25%濃度嘅漂白水。

Step 3: 等漂白水發揮化學反應消毒

畀至少三十分鐘漂白水殺死水入面嘅病原體,之後就飲得。如果本身啲水好濁,等多三十分鐘。

FAQs

我應該用幾多漂白水去淨化啲水呢?

根據美軍訓練手冊FM 21-76,每公升水落兩滴5.25%濃度嘅漂白水。如果濃度係1%,每公升水落十滴;7至10%濃度落一滴。

用漂白水淨化食水要等幾耐呢?

落咗漂白水之後,大概需要等三十分鐘。如果本身啲水好濁,等多三十分鐘。

有冇方法可以冚咗水入面漂白水嘅味道?

如果水入面好大陣漂白水味,你可以打開樽蓋,或者用兩個樽來回倒啲水,等啲水接觸多啲空氣,揮發咗陣味。

係咪所有漂白水都可以淨化食水?

只有有次氯酸鈉(sodium hypochlorite)或者有其他有氯嘅成分嘅漂白水,先可以用嚟淨化食水。

用漂白水淨化食水有咩要注意?

唔係所有漂白水都有次氯酸鈉或者氯嘅成分,用之前一定要檢查清楚先。

避免用啲有染料、香味嘅漂白水嚟淨化食水。

參考資料

    留言

    留言唔會公開你嘅電郵地址。

    English粵文