[TransferWise教學]用TransferWise 5分鐘零手續費、中間價匯率海外轉賬

用Transferwise零手續費、中間價匯率轉賬去海外

開完離岸戶口之後,好多人都會煩用咩方法將啲錢匯去海外最平最快最安全。如果你重諗住用銀行、Western Union、PayPal呢啲渠道匯錢去外國嘅話,就大錯特錯嘞。佢哋收嘅手續費高,匯率差,而且有時重有啲隱藏收費,重要唔一定即時到數。

我自己開咗英國離岸戶口之後,都搵咗好耐邊個方法匯錢最好。最後我發現咗TransferWise,前前後後經佢匯咗大概10萬蚊。佢哋嘅服務又快又平,絕對係走資嘅最佳選擇。

呢篇TransferWise教學就會教吓大家點用TransferWise零手續費、中間價匯率電匯去海外。

咩係TransferWise?

TransferWise嘅Logo

TransferWise係個網上匯款平台,2011年喺英國創立,目標係以清晰嘅收費、平嘅匯率同手續費幫用家匯錢去世界各地。

TransferWise嘅服務非常安全,佢哋喺澳洲、美國、英國、歐盟、日本都有監管機構嘅認可。TransferWise亦都有喺香港注冊,擁有金錢服務經營者牌照(Money Serivce Operator)

TransferWise嘅用家評價非常正面,佢哋喺TrustPilot攞到9.1分嘅評分

Transferwise有咩好啊?

用TransferWise做海外電匯非常方便,由開戶到轉賬最快3分鐘就搞掂,即時可以喺第二個戶口確認收倒錢。

除咗快,TransferWise嘅收費都好透明,每次交易前,佢哋都會寫清楚用咩匯率交易、收你幾多手續費同最後入落收錢戶口嘅銀碼。你可以用呢部計數機預先睇晒所有收費

TransferWise惟一嘅缺點係佢哋唔接受匯錢去同一種貨幣嘅戶口,例如你唔可以直接用英鎊電匯去你英國嘅離岸戶口,一定要用第二種貨幣匯錢過去。

點先有零手續費、中間價匯率嘅匯款優惠啊?

呢個係TransferWise推出嘅迎新優惠。由舊用家推薦嘅新用家,第一次用TransferWise匯錢嘅時候免匯款頭5000蚊港紙嘅手續費。

因為TransferWise本身標榜匯率全行最平,靠收手續費賺錢,如果你嗰次交易只係匯5000蚊港紙,就等於免費電匯去海外。

如果你冇朋友用開TransferWise,你可以用我嘅推薦去攞呢個優惠。

一部可以上網嘅電腦

喺TransferWise開戶匯錢、攞迎新優惠嘅流程教學

呢個教學會教你哋點用五分鐘喺TransferWise開戶匯錢、攞迎新優惠。

Step 1: 搵TransferWise舊用家嘅推薦Link開戶

問吓你身邊有用TransferWise嘅朋友攞推薦開戶。如果你身邊冇人用過TransferWise,你可以用我嘅推薦開戶

如果你唔經呢條Link開戶,你就唔會有迎新優惠,所以記得用喇!

經推薦Link去咗TransferWise個網之後,按指示輸入你嘅電郵地址同密碼。

用Transferwise免手續費 海外 轉賬 教學 第一步
如果你係經舊用家嘅推薦Link開戶,一開頭Transferwise就會話畀你知你可以攞倒5000蚊免手續費嘅轉賬優惠。
Step 2: 決定你做海外轉賬嘅銀碼

輸入你想轉賬嘅銀碼。如果你係經舊用戶嘅推薦Link開戶,而且匯嘅錢係5000蚊港紙以下,手續費會顯示係零。

用Transferwise免手續費 海外 轉賬 教學 第二步
喺呢部計數機,你可以睇倒交易嘅匯率同所有手續費
Step 3: 選擇你匯錢戶口嘅種類,再輸入你詳細嘅個人資料

之後你需要揀你轉賬去海外嘅戶口嘅類別。如果你係要匯錢入自己嘅離岸戶口,就揀個人。

揀完之後,你就要填自己嘅個人資料。

用Transferwise免手續費 海外 轉賬 教學 第三步
Step 4: 填喺海外收你匯款嘅戶口嘅資料

你要先揀收匯款嘅戶口嘅持有人,再輸入嗰個戶口嘅資料。

用Transferwise免手續費 海外 轉賬 教學 第四步
Step 5: 選擇轉賬嘅方法

雖然你已經填咗收匯款嘅戶口資料,但實際上係要先過數落TransferWise嘅戶口,然後佢哋再幫你過數落你想匯錢過去嘅戶口。你可以揀銀行過數、信用卡同扣賬卡三種唔同方法過數。

平時用信用卡過數最快,但收嘅手續費最高。不過因為迎新優惠免手續費,呢度一定係用信用卡過數最方便。

就係噉,搞掂喇!

用Transferwise免手續費 海外 轉賬 教學 第五步

FAQs

點樣先可以用TransferWise零手續費、中間價匯率海外轉賬呢?

你需要有其他TransferWise用家嘅推薦,先會有零手續費、中間價匯率海外轉賬嘅優惠。

用TransferWise匯錢使唔使身份同地址證明㗎?開戶口又大概要幾耐?

用TransferWise匯錢係唔需要身份同地址證明嘅。由開戶到轉賬,大概5分鐘就可以完成。

TransferWise要幾耐先過倒數啊?

如果用信用卡轉賬,最快30秒就過完。如果用銀行入數嘅方式轉賬,就大概要1個星期。

呢個優惠有冇限制㗎?

零手續費、中間價匯率海外轉賬嘅優惠每人只可以用一次,而有優惠嘅銀碼只有5000蚊港紙。如果你匯超過5000蚊,TransferWise會收翻你多出嚟嘅錢嘅手續費。

TransferWise接受咩貨幣同咩國家嘅匯款㗎?

    留言

    留言唔會公開你嘅電郵地址。

    English粵文中文 (台灣)