用Celsius Network幫你啲加密貨幣賺利息

用Celsius Network幫你啲加密貨幣賺利息

除咗離岸戶口之外,加密貨幣係第二個將錢送走嘅避險方法,又安全又方便。

以往玩加密貨幣只可以靠喺交易所炒賣賺錢,又冇得好穩定噉賺利息,如果唔小心高位買咗,被逼坐艇HODL,嗰段時間就咩錢都賺唔倒。

但到咗依家,用加密貨幣收息一啲都唔難。今次就要教大家點經推薦攞等值10蚊美金比特幣(BTC)嘅開戶優惠,用Celsius Network幫你啲加密貨幣賺利息。

咩係Celsius Network?

Celsius Network嘅logo

Celsius Network係個加密貨幣嘅點對點借貸中介平台。想借錢嘅人可以經呢個平台好平好快噉借倒,而想賺利息嘅人可以存錢入Celsius Network,等佢哋借你啲錢畀人,幫你賺利息。

呢個平台喺2018年面世,到依家為止佢哋總共借出咗大概4億美金。

呢條片好簡單噉介紹咗呢個平台係點樣運作。

Celsius Network 啲利息值唔值得我存錢入去?

每個加密貨幣嘅交易都要畀礦工費(Gas fee),到底Celsius Network啲利息夠唔夠多,值唔值得我哋存錢入去呢?

Celsius Network依家接受比特幣(BTC)、以太幣(ETH)、萊特幣(LTC)同另外20種加密貨幣嘅存款,每款貨幣嘅年利率都唔同,由每年2%到9%。以最大路嘅比特幣同以太幣為例,比特幣嘅年利率係2.75%;以太幣嘅年利率係2.33%。

先唔好講呢個數高過銀行啲儲蓄存款利率好多(香港啲銀行嘅存款年利率大概係0.001%),而且佢哋每個星期一都會派息,重要直接派落你戶口,畀你賺複息,賺嘅利息一定多過啲礦工費好多。

更何況如果你本身係高位買咗比特幣同以太幣,HODL𡁵嘅話,放入Celsius Network 繼續HODL又有咩所謂呢?

存錢入Celsius Network 有冇風險㗎?

同大部份嘅業務同加密貨幣有關嘅公司一樣,Celsius Network唔受金融機構認可同監管,不過佢哋都有一系列嘅措施,保證用戶存款嘅安全。

所有Celsius Network嘅存款都會交畀BitGo監管,而BitGo係間受美國證券交易委員會(SEC)監管嘅加密貨幣監管公司,提供1億美金嘅存款保障

入錢落Celsius Network之前,要先喺佢哋度開個包晒唔同貨幣種類嘅銀包(Wallet)先,而呢個銀包嘅私人鎖匙(Private key)會分別存放喺BitGo同Celsius Network ,要偷入面啲錢絕對唔係易事。

我自己本身用咗Celsius Network大概9個月,到依家為止咩嘢問題都冇。提款好快,而且真係每個星期一都可以收倒利息。

用咗Celsius Network9個月之後賺嘅利息
我用咗Celsius Network 9個月之後賺嘅利息

經舊用戶推薦攞Celsius Network嘅開戶優惠

如果你經舊用戶推薦開戶,再存入價值超過$200蚊美金嘅加密貨幣,並放喺Celsius Network 三十日,佢哋就會送等值$10蚊美金嘅比特幣畀你。

FAQs

咩係Celsius Network?

Celsius Network係個加密代幣嘅點對點借貸中介平台。想借加密貨幣嘅人可以經呢個平台好平好快噉借倒,而想賺利息嘅人可以存錢入Celsius Network,等佢哋借你啲錢畀人,幫你賺利息。

Celsius Network 安唔安全㗎?

Celsius Network非常安全,佢哋嘅存款全部都會交畀BitGo監管,而BitGo係間受美國證券交易委員會(SEC)監管嘅加密貨幣監管公司,提供1億美金嘅存款保障

Celsius Network接受咩加密貨幣嘅存款?

Celsius Network 有冇推薦優惠?

如果你用舊用戶推薦登記開戶,再存入超過200蚊美金面值嘅加密貨幣,Celsius Network就會送等值10蚊美金嘅Bitcoin畀你。

我會幾時同點收倒Celsius Network 畀我嘅利息?

Celsius Network 嘅利息係單利息定複利息?

Celsius Network派嘅利息有幾多?

每種貨幣Celsius Network派嘅利息都唔一樣,但大概係由每年2%到9%。

咩係CEL Token(CEL)?

    留言

    留言唔會公開你嘅電郵地址。

    English粵文中文 (台灣)