用海棉破壞敵人嘅廁所

當災難嚟臨,社會冇晒秩序嘅時候,人就會組成唔同嘅組織去爭奪珍貴同有限嘅資源。

無論規模大定細,破壞其他組織嘅運作可以增加你搶奪倒呢啲有限嘅資源嘅機會。

今次就要根據簡易破壞戰地手冊(Simple Sabotage Field Manual)教大家點用海棉破壞敵人嘅廁所,令敵人嘅士氣、清潔度下降,同時浪費佢哋嘅人手。

簡易破壞戰地手冊係由CIA嘅前身OSS(Office of Strategic Services)喺1944年出版,希望教喺淪陷區生活嘅人搞破壞,阻礙軸心國戰爭機器嘅運作。

呢本書特別嘅地方係,佢教嘅破壞方法普通人都可以做倒,唔需要經過特別訓練。

簡易破壞戰地手冊封面
簡易破壞戰地手冊(Simple Sabotage Field Manual),由CIA嘅前身OSS(Office of Strategic Services)喺1944年出版。

1舊海棉、200克生粉或者麵粉、1條繩同水

點用海棉破壞敵人嘅廁所呢?

呢個教學會教你點樣用舊海棉搞破壞,靜靜雞塞住敵人嘅廁所。

Step 1: 準備固定海棉大細嘅液體

將生粉或者麵粉倒落水度撈勻,直至全部融化為止。

Step 2: 浸濕舊海棉

將海棉浸落溝咗生粉或者麵粉嘅水,完全濕透之後,再用繩將佢扎成乒乓波嘅大細,愈細愈好。

Step 3: 風乾舊海棉

將舊用繩綁住嘅海棉風乾。完全風乾之後,舊海棉應該好硬。

Step 4: 拆繩

拆咗綁住海棉嗰條繩。如果拆咗繩之後海棉冇變形,就算成功。

Step 5: 行動

將舊風乾咗嘅海棉沖落你想塞住嘅廁所。畀水浸住嘅海棉會慢慢變翻大,最後就可以塞住個廁所。

參考資料

    留言

    留言唔會公開你嘅電郵地址。

    English粵文